Classificacion deth terrenh de lauegi

/Classificacion deth terrenh de lauegi
Classificacion deth terrenh de lauegi 2019-10-31T09:38:38+00:00

ATENCION! Eth Centre de Lauegi deth Conselh Generau d’Aran facilite informacion sus es condicions deth celh de nhèu mejançant eth Bulletin de Perilh de Lauegi e sus es caracteristiques deth terren mejançant era zonificacion ATES, e decline tota responsabilitat pes damatges e perjudicis que poguen produsir-se derivadi dera interpretacion e/o usatge qu’es usatgèrs ne hèsquen. Aguesta informacion non substituís era formacion, era experiéncia e eth bon jutjament des usatgèrs.

.

Ras d’un grèu accident per lauet en Roger ‘s Pass, Glaciers National Park, BC (Canadà) en hereuèr deth 2003, Parks Canada e Avalanche Canada creen e desvolòpen era Classificacion deth Terren de Lauegi (Avalanche Terrain Exposure Scale, ATES). Era ATES ei ua cartografia qu’a per fin ajudar a toti es usatgèrs dera montanha iuernau a avalorar era severitat deth terren de lauegi ara fasa de planificacion dera gessuda. Es tres classes de terren – Simple, Exigent e Complèxe – descriuen eth grad d’exposicion as lauegi e as sues conseqüéncies.

Era zonificacion ATES s’obten dera analisi d’un conjunt de paramètres deth terren a ua resolucion determinada que non arribe en avalorar es caracteristiques deth terren a escala de versant. Per aguest motiu, era ATES non ei un estrument de navegacion pendent era gessuda.

Terrenh Simple

Exposicion a versants pòc arribents e terrenh forestau. Beres clarianes de bòsc pòden implicar zònes d’arribada de lauegi pògui freqüents. Fòrça opcions entà redusir o eliminar era exposicion.

Terrenh Exigent

Exposicion a zònes de trajècte de lauegi ben definidi, a zònes de gessuda o a trampes. I an opcions entà redusir o eliminar era exposicion trobant rotes damb compde.

Terrenh Complèxe

Exposicion a zònes de trajècte de lauegi multiples e superposades o a granes extensions de terrenh dubèrt e arribent. Zònes d’inici de lauegi multiples e damb trampes dejós. Minimes opcions entà redusir era exposicion.

Transicions

Es limits entre es diferentes categories de terren non son ua linha exacta, mès i a franges de transicion. Açò se reflectís enes mapes coma ua zòna a on es colors se solapen en ua amplada de 20 m.

allau

Trajècte de lauegi abituaus

Zònes on se produsisen lauegi naturaus damb relatiua freqüéncia, especiauments en situacions de nhèu recenta, fusion per ploja o fusion per temperatures nautes.

itinerari

Itinerari suggerit

Bera ua des moltes possibilitats qu’era zòna aufrís.

E en archiu de Google Earth traparàs tamben…

caution

Conselhs en punt de prenuda de decisions

Punt der itinerari on cau decidir quina opcion préner, en foncion des condicions e eth grop. Quan se hè clic s’obtien conselhs particulars deth punt en qüestion.

triangle

Tucs principaus enes zònes cartografiades

refu

Refugis e cabanes

parking_lot

Parcatge

Parcatges mès abituaus entàs itineraris prepausats.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies