Nhèu umida

/Nhèu umida
Nhèu umida 2017-10-20T13:23:47+00:00

Era aigua provenent dera fusion o ploja debilite eth celh de nhèu e pòt causar lauegi de nhèu umida. Aguestes normauments se desencadien de manèra naturau, mès a viatges son provocades pes montanhòus .

Tactica: contròtle des oraris e planificacion dera gessuda. Demorar bon regèu

Durada: ores tà dies

Indicis tipics

  • Cèu caperat, sustot de net e maitiada
  • Temperatura nauta o fòrta radiacion deth solei
  • Regèu nocturn fèble
  • Enterrament prigond (mès ath delà des jolhs)
  • Queiguda de bòles, “ensaimades”. desencadenament naturau de lauegi (plaques e gessudes puntuaus umides)

Distribucion tipica

  • Quan eth solei e era calor son eth factor desencadenant, era distribucion ei dependenta dera orientacion e era nautada. Es orientaciones e nautades varien damb era epòca der an e eth moment deth dia. En generau s’inícien en versants E/SE e còtes baishes e progrèssen tath W e N ath long dera jornada e der iuèrn.
  • Es lauegi soent s’inícien pròp de punts oscurs.
  • Totes es orientacions son afectades per un event de ploja ath dessús de nhèu.

Conselhs:

  • Comèná lèu, torna lèu
  • Demora bon regèu
  • Considera es zones d’arribada e manten era alèrta dera possibilitat de lauegi naturaus de granes dimensions e nhèu umida vielha

Situacions tipiques de lauegi de nhèu umida

  • Aigua provenenta dera ploja o fusion dera nhèu ena superfícia que filtre en celh de nhèu shut afeblís de manèra importanta es contactes entre espessors. Ploja en iuern. En cas de fusion, eth moment tipic en qu’açò passe ei en bèth moment deth mes de març, quan era radiacion deth solei comence a èster molt fòrta.
  • Pèrta de resisténcia deguda ara umidificacion uniforma deth celh. Collapse des espessors basaus afeblides (primauera).

S’era superfícia dera nhèu ei ben regelada, dempús d’ua net clara, es condicions favorables se mantien enquia meddia. Atencion a compdar de meddia o quan eth cèu ei tapat. Atencion as variacions ath long deth dia!

Efèctes dera ploja

  • Eth pas d’un front caud ei ua situacion tipica de lauegi de nhèu umida. Damb aguesti fronts, era nautada iniciau ei baisha mès puge a mesura q’arriba era massa d’aire cauda, e plò ath dessús de nhèu recenta.
  • Es ploges ena primauera, ath dessús d’un celh de nhèu transformat e umit, son mens efectiues.

Efèctes dera temperatura

  • Ages en compde es variacions prèvies e demorades. Temperatures heiredes perlonguen eth perilh. Temperatures caudes an un efècte estabilizador ara longa, particularaments era repeticion de cicles de fusion/gelada.
  • Eth cauhament rapid e mercat entàs 0 ºC aumente era inestabilitat. Era radiacion deth solei cauhe es espessors superficiaus de manèra significativa, e ath delà afavorís era inestabilitat.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies