Nhèu umida per ploja

/Nhèu umida per ploja
Nhèu umida per ploja 2015-11-06T10:58:54+00:00

Era ploja afeblís e sobrecargue eth celh de nhèu e pòt causar lauegi de nhèu umida. Era broma baisha damb temperatures positives a un efècte similar. Es lauegi normauments se desencadenen de forma naturau, mès a viatges son provocadi pes montanhòus.

Tactica: demora

Durada: ores

Indicis tipics:

  • Ploja dessús deth celh shut
  • Ploja dessús de nhèu recenta (queiguda enes darrèri 6 dies)
  • Ploja abundanta e intensa
  • Desencadenament naturau de lauegi (plaques e gessudes puntuaus umides)

Distribucion tipica:

  • Còta de nhèu oscillanta: mès lauegi en còtes mieges e baishes
  • Ploja en totes es còtes: major nombre de lauegi en còtes nautes
  • Orientacion: s’enes solanes era nhèu ja auie estat transformada, major activitat enes versants ombrèrs

Conselhs:

  • Non gesques
  • Demora que se torne a gelar
  • Manten era alèrta dera possibilitat de lauegi naturaus de granes dimensions

Situacions tipiques de lauegi de nhèu umida per ploja

  • Ploja que filtre en un celh shut afeblís de manèra importanta es contactes entre espessors. Ploja a miei iuèrn.
  • Pèrta de resisténcia deguda ara umidificacion uniforma deth celh. Collapse des espessors basaus afeblides (primauera).

Eth pas d’un front caud ei ua situacion tipica d’activitat de lauegi de nhèu umida. En aguesti tipe de fronts, era còta de nhèu pòt èster iniciauments baisha, mès puge a mesura qu’arribe era massa d’aire caud, e plò dessús dera nhèu recenta.

Es ploges de primauera, ath dessús d’un celh ja transformat e en fusion, son mens efectives.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies