Bones abituds

/Bones abituds
Bones abituds 2017-10-20T09:44:18+00:00

1. – Premanís era gessuda

TOTI an de saber quini lauegi, de quina mesura e damb quina localizacion anóncie eth Bulletin de Lauegi

Identifica ena mapa (o ena tua tèsta) quini pòden èster es lòcs critics a on calerà préner ua decision.

Premanís un plan B mès conservador.

2. – Pòrta TOSTEMPS DVA, pala e sonda………. e entrena-te!

Hè eth contròtle de DVA. TOTI en grop an de passar eth contròtle de DVA, e an d’èster conscients de que qui manque non poderà gésser.

Utiliza ua pala e ua sonda granes e robustes.

Entrena-te e practica ath long der iuèrn.

Avalora era aquisicion de d’aute materiau de seguretat (Avalung, morralet ABS, emissora…)

3. – Utiliza materiau SEGUR

Non pòrtes correges enes esquís. Non pòrtes dragonères enes bastons. Pòs substituïr es correges pes frens, e es dragonères, s’ac sages, veiràs que non son tant imprescindibles.

4. – Traça tostemp peth lòc mès SEGUR

Non i a pas cap d’arrason entà non escuélher TOSTEMP er itinerari mès segur. S’ei de besonh, daurís era tua pròpria traça abans de confiar-te en critèri de desconeishudi.

5. – Non expòses jamès tot eth grop ath madeish temps

Esquiatz quinsevolh penent de mès de 30 grads d’un en un, en tot mantier contacte visuau.

Amassa eth grop tostemp en lòc segur, luenh de penents que poguen baishar lauegi. Adapta eth tòn comportament as condicions.

6. – Pensa tostemp enes conseqüéncies

Cau èster un expèrt entà avalorar era estabilitat, mès non es conseqüéncies. Avalora tostemp qué passarie se baishèsse un lauet en lòc e en moment a a on te tròbes.

6 consecuencies

7. – Revalua constantments es tues decisions

Pensa tostemp qué càmbie en terren, ena nhèu, en grop, e en tu madeish.

8. – Manten ua bona comunicacion laguens deth grop

Cau crear un ambient en grop que hèsque qu’aquerò “guai” sigue parlar dubèrtament d’aquerò que mos preocupe, des deth mès inexpèrt ath mès expèrt.

9. – Sigues inquiet, forma-te e informa-te

Sigues capable d’auer eth tòn pròpri critèri. Tostemp i aurà causes naues entà apréner e naues experiéncies entà compartir, jamès non seràs pro expèrt.

Forma-te!!!!

10.- Sigues conservador

Es tues decisions an d’èster corrèctes eth 99.99% des viatges. Entà poder hèr açò cau deishar un ample marge d’incertitud.

Es montanhes non se botjaràn pas de lòc, era nhèu serà mès bona qu’aué. E ath delà, esquiar ei sonque ua petita part des causes que valen era pena.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información. ACEPTAR

Aviso de cookies