Es litsades son un tipe de plaques de hons, e passen quan tot eth celh de nhèu baishe còsta enjós. Se produsissen damb nhèu shuta coma umida, mès tostemp en terren lis, damb pòga rugositat. Se desencadenen de manèra espontanèa, molt raraments peth pas d’ua persona.

Tactica: evita eth terren pròpri as litsades

Durada: ores-dies

Indicis tipics

  • Activitat en versants similares
  • Es de nhèu umida s’assòcien damb temperatures nautes e soleiada, o damb ploja e/o broma baisha
  • Nheuada abundanta ath dessús dera tèrra cauda

Distribucion tipica:

  • Versants damb pòga rugositat: labades de ròca e sustot prats ben arribents
  • Es litsades de nhèu umida apareishen prumèr en còtes baishes e solanes e pugen de còta en tot estener-se en orientacion
  • Es litsades de nhèu shuta son mès caotics e imprevisibles

Conselhs

  • Evita eth terren procliu as litsades quan agueste s’indiquen en bulletin
  • Non entretier-se dejós des henedures de litsades, moltes acaben desencadenant-se
  • Es litsades de nhèu umida se hèn mès abundantes a compdar de meddia
Placa de fons
glide Ruda 20121206

Es litsades son un tipe de lauet diferent que se compòrte de manèra diferenta qu’es auti. Son dificils de predíder e de desencadenar de manèra controtlada.

Era eslissada lenta dera nhèu provòque era aparicion d’ua fractura per tension dera nhèu, que pòt desencadenar immediataments un lauet, demorar dubèrta ues ores/dies enquia qu’eth lauet se desencadene o non arribe jamès a formar un lauet.